Nov 28, 2013

ப்ரவுசர் டேப்கள், கோப்புகளை இணையத்தில் Sync செய்து பயன்படுத்த CupCloud

இணையத்தில் முக்கியமான செயலில் இருக்கும் போதும் அல்லது கணிணியில் எதாவது ஒரு கோப்பில் வேலை செய்து கொண்டிருக்கும் போதும் வேறு அவசர அழைப்புகளோ அல்லது சந்திப்புகளோ திடிரென வந்து விடும். தேடிக் கொண்டிருக்கும் விசயத்தை பாதியில் போட்டு விட்டு போகவும் முடியாது. திரும்ப வருவதற்கு நேரமானால் என்ன செய்வது? செல்லும் இடத்தில் நாம் செய்த வேலையை விட்ட இடத்திலிருந்து தொடரும் வாய்ப்பு கிடைத்தால் நன்றாக இருக்குமல்லவா?


இதற்கு கண்டிப்பாக Cloud Computing எனப்படும் மேகக்கணிணி சேவை தான் பயன்படும் என்று தெரிந்திருக்கும். உங்கள் ஃபைல்களை Google Drive / Dropbox இல் ஏற்றி வைத்து இணையத்தில் எங்கே வேண்டுமென்றாலும் எடுத்து பயன்படுத்தலாம். அடுத்து நீங்கள் உலவிக் கொண்டிருந்த ப்ரவுசர் டேப்களையும் (Browser Tab) இணையத்தில் சேமித்து பின்னர் தேவையெனில் மீட்டுக்கொண்டால் இன்னும் அருமையல்லவா? இந்த இரண்டு விசயங்களுக்கும் உதவுவது தான் CupCloud எனும் மென்பொருள்.


இந்த மென்பொருள் நீங்கள் இணையத்தில் உலவிக்கொண்டிருக்கும் அத்தனை ப்ரவுசர் டேப்கள், நீங்கள் கணிணியில் வேலை செய்யும் குறிப்பிட்ட வகை கோப்புகள், போல்டர்கள் அனைத்தையும் ஒரே கிளிக்கில் இணையத்தில் சேமித்து விடும். இதற்கு Cup என்ற பட்டனையும் திறப்பதற்கு UnCup பட்டனையும் கிளிக் செய்ய வேண்டும். பிறகு எந்த கணிணியிலிருந்தும் விட்ட இடத்திலிருந்து அவற்றைத் திறந்து வேலை செய்யலாம்.


இந்த மென்பொருள் அவசரமாக வெளியே சென்று இணையத்தில் பயன்படுத்துவதற்கு மட்டுமல்ல,  மறுபடியும் வீட்டிற்கு வந்து நீங்கள் வேலை செய்த டேப்கள், கோப்புகள் அனைத்தையும் உங்கள் கணிணியிலும் ஒரே கிளிக்கில் திறந்து தொடரலாம்.இந்த மென்பொருள் தற்போது Chrome, Internet Explorer, Safari போன்ற உலவிகளும் Microsoft Word, Excel Powerpoint போன்ற கோப்பு வகைகளும் மற்றும் Windows Explorer, Apple Mac Finder, Apple iWork போன்றவற்றையும் பேக்கப் செய்கிறது. மேலும் புதிய வகை ஃபைல்களும் பயன்பாடுகளையும் இதில் கொண்டு வருவதாக குறிப்பிட்டிருக்கிறது.



2 comments:

  1. மிகச்சிறந்த வசதியை கொடுக்கும் மென்பொருளை அறிமுகப்படுத்தியமைக்கு நன்றி.. எனக்கு பயன்படும் சிறந்த மென்பொருள் இது..

    வாழ்த்துக்கள். சகோதரி..!

    இன்று என்னுடைய வலைப்பூவில்:

    வணக்கம்...

    நீங்க செல்போன் வச்சிருக்கீங்களா?

    அப்போ கண்டிப்பா ஆண்ட்ராய்ட் போனாதான் இருக்கும்..

    சரியா...?

    உங்களோட செல்போனை மத்தவங்க அநாவசியமா பயன்படுத்த கூடாதுன்னு நினைக்கிறீங்களா?

    அப்போ தொடர்ந்து படிங்க...

    ஸ்மார்ட் போன்களை பாதுகாக்க புதிய சாப்ட்வேர்..!

    ReplyDelete